FURAHA YA KIKATOLIKI / JOY OF THE CATHOLIC LIFE

WATAKATIFU: WITO WA PAMOJA WA KUWA MTAKATIFU

“ASALI ITOKAYO MWAMBANI”

Tafakari ya kila siku

Jumapili, Novemba 1, 2026

Juma la 31 la Mwaka

SHEREHE YA WATAKATIFU WOTE

Uf 7:2-4, 9-14;

Zab 23:1-6;

1 Yn 3:1-3;

Mt 5:1-12

WATAKATIFU: WITO WA PAMOJA WA KUWA MTAKATIFU

Watakatifu ni wale walio jitahidi kuishi hapa duniani kadiri ya thamani ya Injili. Hata baada ya kifo chao wanaendelea kuwa mfano na mashuhuda wa Injili kwa wale waliobaki dunaini. Wakiwa wameumbwa wakiwa na mwili na damu kama sisi walitamani kupata utakatifu. Hawa ni wale waliopata moyo kutoka kwa watakatifu wengine wakisema “kama yeye amekuwa mtakatifu kwanini mimi nisiwe?” Watakatifu mbinguni wana bahati ya kuwa mbele za Mungu daima. Walio wengi wakiwa bado hapa duniani walifurahia kuwa ndani ya Mungu daima wakiwa hapa duaniani. Mbinguni ni pale alipo Mungu, na Mungu yupo ndani ya mioyo yetu, kwahiyo walikuwa na Mungu daima mbinguni. Watakatifu waliishi wakilijua hili na wakajikuta wakiwa katika furaha ya Mungu daima.

Ingawaje wanafurahia maisha yao ya Mbinguni, bado wanahusiana na sisi. Mt. Teresa wa Lisieux anasema vizuri kwamba “ninataka kuishi mbinguni huku nikitenda matendo mema duniani" Watakatifu mbinguni wana kazi muhimu ya kutuombea. Niwazi kwamba Mungu anafahamu mahitaji yetu, angeweza kutuambia sisi tuende kwake moja kwa moja kwa sala zetu. Lakini ukweli ni kwamba Mungu anapenda kutumia waombezi, na hivyo watakatifu wanakuwa waombezi wetu katika maisha yetu. Anawatumia kuchukua sala zetu mbele Yake na hivyo kuturudishia neema. Wanakuwa waombezi wakubwa wetu sisi kwa Mungu.

Watakatiu pia wanatupa sisi mfano wa utakatifu. Matendo ya ukarimu walioishi duniani. Ushuhuda wa mapendo yao haikuwa kitendo cha wakati mmoja katika historia. Bali ukarimu ni kuendelea kuishi na kuleta matokeo mazuri kwa kuishi kwako. Hivyo ukarimu na maisha walio ishi watakatifu yanatupa kitu kwa ajili ya maisha yetu. Ukarimu huu ni maisha yaliojenga muunganiko na sisi, tunawapenda na kutaka kuishi kwa mfano wao. Hivyo kwa maombezi yao daima kuna muunganiko wa mapendo kati yao na sisi.

Injili ya Leo inatualika kufuata zile heri kama njia ya kuelekea kupata Utakatifu. Sisi ni nani tuishi maisha ya utakatifu? Mt. Augustino alijikuta akipata ugumu wakuishi heri hizi, lakini alisoma maisha ya watakatifu na akasema, “ Kama hawa watu wakawaida waume kwa wake waliweza, kwanini mimi nisiweze?”

Katika somo la Injili Yesu anasema “heri Maskini wa roho, heri walio na huzuni, heri wapole, heri walio na njaa na kiu ya kutenda haki, heri wenye huruma, heri wenye moyo safi, heri wapatanishi, heri wenye kuonewa kwa aili ya haki” lakini katika hali ya kawaida hizi sifa ni sifa za Yesu mwenyewe. Yeye Yesu alikuwa, alikuwa mwenye moyo safi, mwenye huruma nk. Tunaposikia sauti yake kila mtu kwa hali yake tumfuate tusifanye migumu ya mioyo yetu. Tumfuate yeye tuweze kushiriki katika maisha yake. Kwani kwa Yesu kila kitu kinawezekana. Atatufanya tuwe wakamilifu kama Baba wa mbinguni alivyo mkamilifu.

Sala: Bwana, kama watakatifu wanavyo kuabudu mbinguni milele yote, ninaomba kwa maombezi yao. watakatifu wa Mungu , mniombee. Niombeeni na mniletee neema kutoka kwa Mungu niweze kuishi maisha ya mfano kama mlivyo ishi. Watakatifu wote wa Mungu, mtuombee. Amina

MASOMO YA MISA, NOVEMBA 1, 2026

MASOMO YA MISA, NOVEMBA 1, 2026

JUMAPILI, JUMA LA 31 LA MWAKA

SHEREHE YA WATAKATIFU WOTE

_____________

SOMO 1

Ufu. 7:2-4,9-14

Mimi Yohane, niliona malaika mwingine, akipanda kutoka maawio ya jua, mwenye muhuri ya Mungu aliye hai; akawapigia kelele kwa sauti kuu wale malaika wanne waliopewa kuidhuru nchi na bahari, akisema, Msiidhuru nchi, wala bahari, wala miti, hata tutakapokwisha kuwatia muhuri watumwa wa Mungu wetu juu ya vipaji vya nyuso zao. Nikasikia hesabu yao waliotiwa muhuri katika kila kabila ya Waisraeli, watu mia na arobaini na nne elfu.

Baada ya hayo nikaona, na tazama, mkutano mkubwa sana ambao hapana mtu awezaye kuuhesabu, watu wa kila taifa, na kabila, na jamaa, na lugha, wamesimama mbele ya kile kiti cha enzi, na mbele za Mwana-kondoo, wamevikwa mavazi meupe, wana matawi ya mitende mikononi mwao; wakilia kwa sauti kuu wakisema, Wokovu una Mungu wetu aketiye katika kiti cha enzi, na Mwana-kondoo.

Na malaika wote walikuwa wakisimama pande zote za kile kiti cha enzi, na za hao wazee, na za wale wenye uhai wanne, nao wakaanguka kifulifuli mbele ya kile kiti cha enzi, wakamsujudu Mungu, wakisema, Amina; Baraka na utukufu na hekima na shukrani na heshima na uweza na nguvu zina Mungu wetu hata milele na milele. Amina. Akajibu mmoja wa wale wazee akiniambia, Je! Watu hawa aliovikwa mavazi meupe ni akina nani? Nao wametoka wapi? Nikamwambia, Bwana wangu, wajua wewe. Akaniambia, Hao ndio wanatoka katika dhiki ile iliyo kuu, nao wamefua mavazi yao, na kuyafanya meupe katika damu ya Mwana-kondoo.

Neno la Bwana… Tumshukuru Mungu

_____________

WIMBO WA KATIKATI

Zab. 24:1-6 (K) 6

(K) Hiki ndicho kizazi cha wakutafutao, Ee Bwana.

Nchi na vyote viijazavyo ni mali ya Bwana,

Dunia na wote wakaao ndani yake.

Maana ameiweka misingi yake juu ya bahari,

Na juu ya mito ya maji aliithibitisha. (K)

Ni nani atakayepanda katika mlima wa Bwana?

Ni nani atakayesimama katika patakatifu pake?

Mtu aliye na mikono safi na moyo mweupe,

Asiyeiinua nafsi yake kwa ubatili. (K)

Atapokea Baraka kwa Bwana,

Na haki kwa Mungu wa wokovu wake.

Hiki ndicho kizazi cha wamtafutao,

Wakutafutao uso wako, Ee Mungu wa Yakobo. (K)

_____________

SOMO 2

1 Yoh. 3:1-3

Tazameni, ni pendo la namna gani alilotupa Baba, kwamba tuitwe wana wa Mungu; na ndivyo tulivyo. Kwa sababu hii ulimwengu haututambui, kwa kuwa haukumtambua yeye. Wapenzi, sasa tu wana wa Mungu, wala haijadhihirika bado tutakavyokuwa; lakini twajua ya kuwa atakapodhihirishwa, tutafanana naye; kwa maana tutamwona kama alivyo. Na kila mwenye matumaini haya katika yeye hujitakasa; kama yeye alivyo mtakatifu.

Neno la Bwana… Tumshukuru Mungu

_____________

SHANGILIO

Mt. 11:28

Aleuya, aleluya.

Njoni kwangu, ninyi nyote msumbukao na wenye kulemewa

na mizigo, nami nitawapumzisha, asema Bwana.

Aleluya.

_____________

INJILI

Mt. 5:1-12

Yesu alipowaona makutano, alipanda mlimani; na alipokwisha kuketi, wanafunzi wake walimjua; akafumbua kinywa chake, akawafundisha, akisema,

Heri walio maskini wa roho; Maana ufalme wa mbinguni ni wao.

Heri wenye huzuni; Maana hao watafarijika.

Heri wenye upole; Maana hao watairithi nchi.

Heri wenye njaa na kiu ya haki; Maana hao watashibishwa.

Heri wenye rehema; Maana hao watapata rehema.

Heri wenye moyo safi; Maana hao watamwona Mungu.

Heri wapatanishi; Maana hao wataitwa wana wa Mungu.

Heri wenye kuudhiwa kwa ajili ya haki; Maana ufalme wa mbinguni ni wao.

Heri ninyi watakapowashutumu na kuwaudhi na kuwanenea kila neno baya kwa uongo, kwa ajili yangu. Furahini, na kushangilia; kwa kuwa thawabu yenu ni kubwa mbinguni; kwa maana ndivyo walivyowaudhi manabii waliokuwa kabla yenu.

Neno la Bwana... Sifa kwako Ee Kristo.

_____________

KUWA WA KWANZA!

“ASALI ITOKAYO MWAMBANI”

Jumamosi, Oktoba 31, 2026

Juma la 30 la Mwaka wa Kanisa

Flp 1: 18-26;

Zab 42: 2-3, 5;

Lk 14: 1, 7-11

KUWA WA KWANZA!

Wana michezo mashuhuri walisema; “kushinda sio kila kitu, ni kitu tu”. Kwa maneno mengine, kuwa wakwanza ni muhimu sana kwa wengine kiasi kwamba inakuwa ndicho kitu pekee anacho shughulikia. Hakuna kingine tena kinacho kubalika. Lakini kwa Mkristo kuna utofauti kati ya tamaa yake na mafundisho ya Kristo anayemfuata. Yesu alisema “Kama mmoja akitaka kuwa wakwanza, anapaswa kuwa wa mwisho na mtumishi wa wote.” (Mk 9: 35). Je, tunaona tofauti katika maana? Wana michezo wanatuambia “tuwe wa kwanza” Bwana wetu anatuambia “tuwe wamwisho”. Wote wanatuelekeza ni jinsi ghani ya kufika juu, lakini tofauti ya maana ni kama usiku na mchana.

Jambo ambalo Yesu anataka kutuambia ni kwamba unyenyekevu ni alama muhimu sana katika Ufalme wake. Je, sisi ni moja wapo wa watu wenye majivuno au wanyenyekevu? Yesu anazungumza nasi leo na anasema “atakaye jikweza mwenyewe atashushwa. Na wote wanao jinyenyekesha wenyewe watakwezwa.”

Barua ya Mt. Paulo kwa Wafilipi inaelezea furaha ya Paulo katika mateso. Furaha ya Paulo ilikuwa kwamba kwa njia ya mateso yake na mateso ya Wafilipi wote, Injili iweze kukuwa na kuenea. Inatueleza sisi pia kwamba pamoja kwamba kuhubiri Injili ilikuwa ndio kazi kuu ya Paulo, hakujikweza na kujivuna kwa mafanikio ya Injili. Mungu asipotupa neema ya kutambua na kuona majivuno yetu ndani yetu twaweza kuishia hata katika kushindana katika kuhubiri Injili tukiongozwa na mitizamo mibaya.

Unyenyekevu kwa njia nyingine ni kujitambua sisi ni nani. Unaanza kwakumtambua Mungu kama chanzo na lengo la maisha yetu. Alafu, kutumia vipaji vyote vinavyo tutambulisha kuwa sisi ni wanani, na mwishowe, kutumia vipaji hivi kutoka kwa Mungu kwa kumpa utukufu yeye na kuwasaidia ndugu zetu wote kama wanadamu.

Sala: Bwana, nipe neema ya kutambua majivuno ndani mwangu na naomba unipe neema ya kuwa mnyenyekevu. Amina

MASOMO YA MISA, OKTOBA 31, 2026

JUMAMOSI, JUMA LA 30 LA MWAKA WA KANISA

SOMO 1

Flp. 1:18 – 26

Kristo anahubiriwa; na kwa hiyo nafurahi, naam, nami nitafurahi. Maana najua ya kuwa haya yatanigeukia kuwa wokovu wangu, kwa sababu ya kuomba kwenu, na kuruzukiwa Roho wa Yesu Kristo; kama vile nilivyotazamia sana, na kutumaini, kwamba sitaaibika kamwe, bali kwa uthabiti wote, kama siku zote, na sasa vivyo hivyo Kristo ataadhimishwa katika mwili wangu; ikiwa kwa maisha yangu, au ikiwa kwa mauti yangu.

Kwa maana kwangu mimi kuishi ni Kristo, na kufa ni faida. Ila ikiwa kuishi katika mwili, kwangu mimi ni matunda ya kazi; basi nitakalolichagua silitambui. Ninasongwa katikati ya mambo mawili; ninatamani kwenda zangu nikae na Kristo; maana ni vizuri zaidi sana; bali kudumu katika mwili kwahitajiwa zaidi kwa ajili yenu. Nami nikitumaini hayo, najua ya kuwa nitakaa na kudumu pamoja nanyi, ili mpate kuendelea na kufurahi katika Imani; hata mzidi kuona fahari katika Kirso Yesu juu yangu kwa sababu ya kuwapo kwangu pamoja nanyi tena.

Neno la Bwana… Tumshukuru Mungu.

WIMBO WA KATIKATI

Zab. 42:1 – 2, 4 (K) 2

(K) Nafsi yangu inamwonea kiu Mungu.

Kama ayala aioneavyo shauku mito ya maji.

Vivyo hivyo nafsi yangu inakuonea shauku, Ee Mungu. (K)

Nafsi yangu inamwonea kiu Mungu, Mungu aliye hai,

Lini nitakapokuja nionekane mbele za Mungu? (K)

Jinsi nilivyokuwa nikienda na mkutano,

Na kuwaongoza nyumbani kwa Mungu,

Kwa sauti ya furaha na kusifu. (K)

SHANGILIO

Zab. 19:8

Aleluya, aleluya,

Amri ya Bwana ni safi, huyatia macho nuru.

Aleluya.

INJILI

Lk. 14:1, 7-11

Yesu alipoingia ndani ya nyumba ya mtu mmoja miongoni mwa wakuu wa Mafarisayo siku ya sabato, ale chakula, walikuwa wakimvizia.

Akawaambia mfano wale walioalikwa, alipoona jinsi walivyochagua viti vya mbele; akisema, Ukialikwa na mtu arusini, usiketi katika kiti cha mbele; isiwe kwamba amealikwa mtu mwenye kustahiwa kuliko wewe, akaja yule aliyewaalika wewe na yeye, na kukuambia, Mpishe huyu! Ndipo utakapoanza kwa haya kushika mahali pa nyuma, ili ajapo yule aliyekualika akuambie, Rafiki yangu, njoo huku mbele Zaidi; ndipo utakapokuwa na utukufu mbele ya wote walioketi pamoja nawe. Kwa maana kila ajikwezaye atadhiliwa, naye ajidhiliye atakwezwa.

Neno la Bwana… Sifa kwako Ee Kristo.

Copyright © 1993 T.M.P. Book Department, Tabora - Tanzania: see MASOMO YA MISA. Scripture readings from ‘Biblia Takatifu’are published and copyright © 1975, 1993 by T.M.P. Book Department, Tabora – Tanzania.© Bible Society of Kenya, © Bible Society of Tanzania.These readings are a reproduction by Furaha ya Kikatoliki: see www.fur-kat.blogspot.com.

KUWA NA HURUMA

“ASALI ITOKAYO MWAMBANI”

Ijumaa, Oktoba 30, 2026,

Juma la 30 la Mwaka wa Kanisa

Fil 1:1-11;

Zab 111: 1-6;

Lk 14: 1-6.

KUWA NA HURUMA

Leo Yesu anwauliza Mafarisayo swali “je, ni kinyume cha sheria kumponya mtu siku ya Sabato?” Mafarisayo hawana jibu. Baada ya kumponya mtu aliyekuwa na ukoma, anawaonya Mafarisayo kwa kushindwa kuonesha huruma, na badala yake kutumia sababu za kisheria.

Mafarisayo hawakuwa na huruma kwa ndugu zao, huyu mtu mwenye ukoma, walikuwa wakijishughulisha na Sabato. Yesu anawauliza kwa mfano alikuwa mwana wao au alikuwa ni punda wao? Yesu anaonesha mioyo baridi ya Mafarisayo, ambao walifikiria kwamba punda ni zaidi ya wana wa Mungu waliokuwa wagonjwa na maskini.

Kama tukijaribu kumwangalia huyu mtu alieponywa. Ugonjwa ambao ulikuwa ukimtesa ulikuwa ni ukoma, ambapo mwili hutoa maji maji. Sisi kama Mafarisayo huenda tukawa tunaugua ugonjwa kama wa Mafarisayo-pengine si katika hali ya mwili. Hili linakuja pale ambao tunajaza mioyo yetu na ubinafsi na kushindwa kupenda kizuri kwa ajili ya wengine. Ni Yesu mwenyewe anayeweza kuondoa ukame wetu na ubinafsi wetu wa kushindwa kuwapenda wengine kwa uhuru.

Cha muhimu ni kuona mwitikio wetu juu ya wale wanao hitaji msaada wetu, huwa tuna visingizio vingi vya kutoa. Kwa mfano swala la wakimbizi, Baba mtakatifu Fransisko la kuwasahauri parokia na wakristo kuwakaribisha wakimbizi halikupokelewa sana. Swala hili wamelichukulia katika mijadala. Lakini mbaya zaidi hakuna hata tendo lolote la huruma wanalopendekeza wale wanao pinga.

Leo, tujiulize sisi wenyewe kama nasi tuna mioyo baridi. Je, tupo tayari kuvuka mipaka ya akili zetu na mipaka ya roho zetu kwa aili ya kuwa wakarimu?

Sala: Bwana Yesu njoo katika moyo wangu, katika hali yangu ya maisha. Njoo zama, katika kazi, kati ya marafiki, katika magumu yangu, wakati wa matatizo, na katika vitu vyangu. Nisaidie mimi niweze kuwa mkarimu kwa ndugu zangu. Yesu, nakuamini wewe. Amina

MASOMO YA MISA OKTOBA 30, 2026

MASOMO YA MISA OKTOBA 30, 2026

IJUMAA, JUMA LA 30 LA MWAKA

SOMO 1

Fil 1:1-11

Paulo na Timotheo, watumwa wa Kristo Yesu, kwa watakatifu wote katika Kristo Yesu, walioko Filipi, pamoja na maaskofu na mashemasi. Neema na iwe kwenu na amani zitokazo kwa Mungu Baba yetu na kwa Bwana Yesu Kristo. Namshukuru Mungu wangu kila niwakumbukapo, sikuzote kila niwaombeapo ninyi nyote nikisema sala zangu kwa furaha, kwa sababu ya ushirika wenu katika kuieneza Injili, tangu siku ile ya kwanza hata leo hivi. Nami niliaminilo ndilo hili, ya kwamba yeye aliyeanza kazi njema mioyoni mwenu ataimaliza hata siku ya Kristo Yesu; vile vile kama ilivyo wajibu wangu kufikiri haya juu yenu nyote; kwa sababu ninyi mmo moyoni mwangu; kwa kuwa katika kufungwa kwangu na katika kazi ya kutetea Injili na kuithibitisha, ninyi nyote mmeshirikiana nami neema hii. Maana Mungu ni shahidi wangu, jinsi ninavyowaonea shauku ninyi nyote katika moyo wake Kristo Yesu. Na hii ndiyo dua yangu, kwamba pendo lenu lizidi kuwa jingi sana, katika hekima na ufahamu wote; mpate kuyakubali yaliyo mema; ili mpate kuwa na mioyo safi, bila kosa, mpaka siku ya Kristo; hali mmejazwa matunda ya haki, kwa njia ya Yesu Kristo, kwa utukufu na sifa ya Mungu.

WIMBO WA KATIKATI

Zab. 111: 1-6

(K) Matendo ya Bwana ni makuu.

Aleluya, Nitamshukuru Bwana kwa moyo wangu wote,

Barazani pa wanyofu wa moyo na katika mkutano.

Matendo ya Bwana ni makuu.

Yafikiriwa sana na wapendezwao nayo. (K)

Kazi yake ni heshima na adhama,

Na haki yake yakaa milele.

Amefanya ukumbusho wa matendo yake ya ajabu;

Bwana ni mwenye fadhili na rehema. (K)

Amewapa wamchao chakula;

Atalikumbuka agano lake milele.

Amewajulisha watu wake uwezo wa matendo yake,

Kwa kuwapa urithi wa mataifa. (K)

SHANGILIO

Zab 119:135

Aleluya, Aleluya

Unifahamishe nami nitaishika sheria yako

nitaitii kwa moyo wangu wote.

Aleluya

INJILI

Lk 14:1-6

Yesu alipoingia ndani ya nyumba ya mtu mmoja miongoni mwa wakuu wa Mafarisayo siku ya sabato, ale chakula, walikuwa wakimvizia. Na tazama, mbele yake palikuwa na mtu mwenye ugonjwa wa safura. Yesu akajibu, akawaambia wana-sheria na Mafarisayo, Je! Ni halali kuponya siku ya sabato, ama sivyo? Wao wakanyamaza. Akamshika, akamponya, akamruhusu aende zake. Akawaambia, Ni nani miongoni mwenu, ikiwa ng'ombe wake au punda wake ametumbukia kisimani, asiyemwopoa mara hiyo siku ya sabato? Nao hawakuweza kujibu maneno haya.

Neno la Bwana… Sifa kwako Ee Kristo.

KUSALI BILA KUCHOKA!

“ASALI ITOKAYO MWAMBANI”

Alhamisi, Oktoba 29, 2026

Juma la 30 la Mwaka wa Kanisa

Efe 6:10-20;

Zab 143:1-2, 9-10;

Lk 13:31-35

KUSALI BILA KUCHOKA!

Lengo la Barua kwa Waefeso ina lenga kujenga jumuiya ya Wakristo iliyo na upendo na umoja. Leo tuna maelekezo ya mwisho “salini nyakati zote daima katika Roho”. Mara nyingi sala zetu zinaishia katika kusema kwa fomula flani au kutafakari vifungu flani vya maandiko au tukiomba mahitaji yetu kutoka kwa Mungu na kwa kupitia kwa watakatifu.

Sala ni upendo wa kila mara kwa Mungu au “muonekano wetu unajiweka mbele ya Mungu” (Mt. Yohane Paulo II). Kusali nikuwa na umoja wa upendo wa ndani na Mungu, kushiriki kwenye upendo usio na mwisho wa Mungu. Ni kujiunga kwa mtu na Mungu katika muungano wa ndani. Hii inawezekana katika ukimya wa moyo. Uhusiano huu unaweza kujengwa tuu, kwa njia ya maisha ya fadhila. Hili ndilo tunalosikia katika somo la leo. Tunaalikwa tuwe makini dhidi ya ujanja wa yule muovu, tuzitambue mbinu zake katika jitihada zetu za kutaka kuwa na Mungu, kuwa mwaminifu, mwenye haki na mwenye Amani ya Injili. Maisha yetu ya fadhila yatakuwa ni maisha ya kusali daima katika Roho.

Sala. Ee Bwana, ninaomba unipe fadhila zote zinazo hitajika katika hali yangu ya maisha ili niweze kukuwa katika maisha yangu ya sala. Amina

MASOMO YA MISA, OKTOBA 29, 2026

MASOMO YA MISA, OKTOBA 29, 2026

ALHAMISI, JUMA LA 30 LA MWAKA WA KANISA

SOMO 1

Efe. 6:10 – 20

Mzidi kuwa hodari katika Bwana na katika uweza wa nguvu zake. Vaeni silaha zote za Mungu, mpate kuweza kuzipinga hila za Shetani. Kwa maana kushindana kwetu sisi si juu ya damu na nyama; bali ni juu ya falme na mamlaka, juu ya nyama; bali ni juu ya falme na mamlaka, juu ya wakuu wa giza hili, juu ya majeshi ya pepo wabaya katika ulimwengu war oho. Kwa sababu hiyo twaeni silaha zote za Mungu, mpate kuweza kushindana siku ya uovu, na mkiisha kuyatimiza yote, kusimama.

Basi simameni, hali mmejifunga kweli viunoni, na kuvaa dirii ya haki kifuani, na kufungiwa miguu utayari tupatao kwa Injili ya mani; zaidi ya yote mkitwaa ngao ya Imani, ambayo kwa hiyo mtaweza kuizima mishale yote yenye moto ya yule mwovu.

Tena ipokeeni chapeo ya wokovu, na upanga wa Roho ambao ni neno la Mungu; kwa sala zote na maombi mkisali kila wakati katika Roho, mkikesha kwa jambo hilo na kudumu katika kuwaombea watakatifu wote; pia na kwa ajili yangu mimi, nipewe usemi kwa kufumbua kinywa changu, ili niihubiri kwa ujasiri ile siri ya Injili; ambayo kwa ajili yake mimi ni mjumbe katika minyororo; hata nipate ujasiri katika hiyo kunena jinsi inipasavyo kunena.

Neno la Bwana… Tumshukuru Mungu.

WIMBO WA KATIKATI

Zab. 144:1 – 2, 9 – 10 (K) 1

(K) Ahimidiwe Bwana, mwamba wangu.

Ahimidiwe Bwana, mwamba wangu,

Anifundishaye mikono yangu vita,

Vidole vyangu kupigana. (K)

Mhisani wangu na boma langu,

Ngome yangu na mwokozi wangu,

Ngao yangu niliyemkimbilia,

Huwatiisha watu wangu chini yangu. (K)

Ee Mungu, nitakuimbia wimbo mpya,

Kwa kinanda chenye nyuzi kumi nitakuimbia.

Awapaye wafalme wokovu,

Amwokoa Daudi, mtumishi wake, na upanga wa uovu. (K)

SHANGILIO

Zab. 119:18

Aleluya, aleluya,

Unifumbue macho yangu niyatazame maajabu yatokayo katika sheria yako.

Aleluya.

INJILI

Lk. 13:31-35

Saa ile ile, Mafarisayo kadha wa kadha walimwendea Yesu, wakamwambia, Toka hapa, uende mahali pengine, kwa sababu Herode anataka kukuua. Akawaambia, Nendeni, mkamwambie yule mbweha, Tazama, leo na kesho natoa pepo na kuponya wagonjwa, siku ya tatu nakamilika. Pamoja na hayo imenipasa kushika njia yangu leo na kesho na kesho kutwa; kwa kuwa haimkini nabii aangamie nje ya Yerusalemu.

Ee Yerusalemu, Yerusalemu, uwauaye manabii na kuwapiga kwa mawe waliotumwa kwako, mara ngapi nimetaka kuwakusanya watoto wako kama vile kuku avikusanyavyo vifaranga vyake chini ya mabawa yake, lakini hukutaka! Tazama nyumba yenu imeachwa ukiwa. Ninawaambia, hamtaniona tena mpaka wakati ule mtakaposema, ‘Amebarikiwa yeye ajaye kwa jina la Bwana.’

Neno la Bwana… Sifa kwako Ee Kristo.

UMOJA KATIKA WINGI !

“ASALI ITOKAYO MWAMBANI”

Jumatatu, Oktoba 28, 2026,

Juma la 30 la Mwaka wa Kanisa

Sikukuu ya Wat. Simoni na Yuda, Mitume.

Ef 2:19-22

Zab 18:2-5

Lk 6:12-16

UMOJA KATIKA WINGI !

Mungu humwalika mwanadamu daima katika kazi yake ya ukombozi. Yesu aliwachagua watu wa kawaida kabisa wa kipindi chake kuwa mitume wake. Anawapa nguvu na mamlaka na wakawa waaminifu katika kuendeleza kutimiza mapenzi ya Baba. Luka, anatuambia Yesu alienda mlimani kusali, na alikesha usiku kucha katika kusali. Ndipo baada ya kusali anawachagua mitume kumi na mbili. Na kati ya hao wawili ndio tunafanya sikukuu yao leo, Simoni na Yuda. Habari za hawa wawili zijulikanazo ni chache sana. Tunajua walichaguliwa na Yesu kuwa mitume wake. Mtume ni yule anayetumwa. Hawa walishirikiana kufanya kazi pamoja katika nchi ya Uajemi na huko waliuawa kwa ajili ya Kristo. Kwasababu hiyo sikukuu yao huadhimishwa pamoja. Mtume simoni aliitwa ‘Zeloti’ maana yake mwenye bidii kwasababu alifanya bidii kutangaza ujumbe kuhusu Yesu kokote. Mtume Yuda aliitwa ‘Tadayo’maanake ‘hodari’ili kumtofautisha na Yuda Iskarioti msaliti. Alikuwa ndugu yake Yakobo mdogo kama tunavyosoma katika Injili na kama anavyosema mwenyewe katika barua yake ‘Barua ya Yuda’na barua hii iliandikwa kwa ajili ya makanisa yaliokuwa karibu na nchi Takatifu kama alivyofanya nduguye Yakobo.

Unaweza kufikiria ni watu wa namna ghani aliokuwa nao Yesu. Petro aliyekuwa msemaji na mwenye hofu lakini bado Yesu alimchagua kuongoza. Yakobo na Yohane waliokuwa wakipigania kuwa karibu na Yesu katika ufalme walio utafsiri vibaya; Mathayo mtoza ushuru, nk. Tunaweza kufikiria kukaa kwao pamoja kulikuwa je hapo mwanzo. Pamoja na kutoelewana wao kwa wao waliponywa na upendo usiozuilika wa Yesu alioutoa kwao.

Somo la kwanza linamalizia vizuri kabisa: “tangu sasa ninyi si wageni tena wala wapitaji, bali ni wenyeji pamoja na watakatifu, watu wa nyumbani mwake Mungu”. (Efe 2:19). Je, tupo tayari kumruhusu Yesu atujenge kama watu wa nyumba yake, hata ikiwa nikuwa pamoja na wale tusiowapenda?

Sala: Bwana Yesu, ninaomba upendo wako unipe nguvu kuwakubali wenzangu kama walivyo. Amina.

MASOMO YA MISA OKTOBA 28, 2026

MASOMO YA MISA OKTOBA 28, 2026

JUMATANO, JUMA LA 30 LA MWAKA

SIKUKUU YA WATAKATIFU SIMONI NA YUDA, MITUME

SOMO 1

Efe. 2:19-22

Tangu sasa ninyi si wageni wala wapitaji, bali ninyi ni wenyeji pamoja na watakatifu, watu wa nyumbani mwake Mungu. Mmejengwa juu ya msingi wa mitume na manabii, naye Kristo Yesu mwenyewe ni jiwe kuu la pembeni. Katika yeye jengo lote linaungamanishwa vema na kuku ahata liwe hekalu takatifu katika Bwana. Katika yeye ninyi nanyi mnajengwa pamoja kuwa maskani ya Mungu katika Roho.

Neno la Bwana… Tumshukuru Mungu.

WIMBO WA KATIKATI

Zab. 19:1-4 (K) 4

(K) Sauti yao imeenea duniani mwote.

Mbingu zauhubiri utukufu wa Mungu,

Na anga laitangaza kazi ya mikono yake.

Mchana husemezana na mchana,

Usiku hutolea usiku maarifa. (K)

Hakuna lugha wala maneno,

Sauti yao haisikilikani.

Sauti yao imeenea duniani mwote,

Na maneno yao hata miisho ya ulimwengu.

Katika hizo ameliwekea jua hema. (K)

SHANGILIO

Aleluya, aleluya,

Ee Mungu, tunakusifu, tunakukiri kuwa Bwana. Jamii tukufu ya Mitume inakusifu.

Aleluya.

INJILI

Lk. 6:12-16

Yesu aliondoka akaenda mlimani ili kuomba, akakesha usiku kucha katika kumwomba Mungu. Hata kulipokuwa mchana aliwaita wanafunzi wake; akachagua kumi na wawili miongoni mwao, ambao aliwaita Mitume; Simoni, aliyemwita jina la pili Petro, na Andrea nduguye, na Yakobo na Yohane, na Filipo na Bartolomayo, na Mathayo na Tomaso, na Yakobo wa Alfayo, na Simoni aitwaye Zelote, na Yuda wa Yakobo, na Yuda Iskariote, ndiye aliyekuwa msaliti.

Neno la Bwana… Sifa kwako Ee Kristo.

Everyday Saint / Maisha ya Watakatifu