FURAHA YA KIKATOLIKI / JOY OF THE CATHOLIC LIFE

JE TUNA UPANA WA AKILI KATIKA MAISHA YETU?

“ASALI ITOKAYO MWAMBANI”

Alhamisi, Oktoba 15, 2026

Kumbukumbu ya Mt. Teresia wa Avila

Juma la 28 la Mwaka wa Kanisa

Ef 1:1-10;

Zab 97:1-6;

Lk 11:47-54

JE TUNA UPANA WA AKILI KATIKA MAISHA YETU?

Injili ya leo inaongelea kuhusu kutokuelewana kati ya Yesu na viongozi wa dini wa wakati huo. Walimu washeria walimwelezea Mungu kama hakimu mkali sana na wakaweka sheria na miiko ambazo hazikuwa na ushusiano kabisa na amri za Mungu. Wao kwa njia ya mafundisho ya uongo waliwahukumu na kuwaua Manabii, na baadaye walitengeneza makaburi kwa heshima yao. Leo Yesu anawanyoshea kidole, kwamba wanajizuia wenyewe nakujiwia mizigo katika kuingia Ufalme wa Mungu na pia kuua hamu ya wengine ya kumtumikia Mungu.

Swali ambalo tunaweza kujiuliza wenyewe:

• Je, tuna sura ya uongo ya Mungu na tunajaribu kuiweka kwa wengine?

• Je, tuna upana mdogo wa uwelewa kama Waandishi ambao waliwapinga wengine kwasababu tu, wanafikiri tofauti na kutenda tofauti?

Sala: Bwana, naomba utupilie mbali mawazo yote mabaya na mitazamo yote mibaya inayonizuia kujikabidhi kwangu kwako, mimi na jirani yangu, nisaidie niweze kuwa na upana wa akili katika kukuelewa wewe katika jamii na jumuiya yangu. Amina.

MASOMO YA MISA, OKTOBA 15, 2026

MASOMO YA MISA, OKTOBA 15, 2026

KUMBUKUMBU YA MTAKATIFU TERESIA WA AVILA

ALHAMISI, JUMA LA, 28 LA MWAKA WA KANISA

SOMO 1

Efe. 1:1, 3 – 10

Paulo, mtume wa Kristo Yesu, kwa mapenzi ya Mungu; kwa watakatifu wanaomwamini Kristo Yesu.

Atukuzwe Mungu, Baba wa Bwana wetu Yesu Kristo, aliyetubariki kwa Baraka zote za rohoni, katika ulimwengu war oho, ndani yake Kristo; kama vile alivyotuchagua katika yeye kabla ya kuwekwa misingi ya ulimwengu, ili tuwe watakatifu, watu wasio na hatia mbele zake katika pendo. Kwa kuwa alitangulia kutuchagua, ili tufanywe wanawe kwa njia ya Yesu Kristo, sawasawa na Uradhi wa mapenzi yake.

Na usifiwe utukufu wa neema yake, ambayo ametuneemesha katika huyo Mpendwa. Katika yeye huyo, kwa damu yake, tunao ukombozi wetu, masamaha ya dhambi, sawasawa na wingi wa neema yake. Naye alituzidishia hiyo katika hekima yote na ujuzi; akiisha kutujulisha siri ya mapenzi yake, sawasawa na Uradhi wake, alioukusudia katika yeye huyo. Yaani, kuleta madaraka ya wakati mkamilifu atavijumlisha vitu vyote katika Kristo, vitu vya mbinguni na vitu vya duniani pia.

Neno la Bwana… Tumshukuru Mungu.

WIMBO WA KATIKATI

Zab. 98:1 – 6 (K) 2

(K) Bwana ameufunua wokovu wake.

Mwimbieni Bwana wimbo mpya,

Kwa maana ametenda mambo ya ajabu,

Mkono wa kuume wake mwenyewe,

Mkono wake mtakatifu umemtendea wokovu. (K)

Bwana ameufunua wokovu wake,

Machoni pa mataifa ameidhihirisha haki yake.

Amezikumbuka rehema zake,

Na uaminifu wake kwa nyumba ya Israeli. (K)

Miisho yote ya dunia imeuona

Wokovu wa Mungu wetu.

Mshangilieni Bwana, nchi yote,

Inueni sauti, imbeni kwa furaha, imbeni zaburi. (K)

Mwimbieni Bwana zaburi kwa kinubi,

Kwa kinubi na sauti ya zaburi.

Kwa panda na sauti ya baragumu,

Shangilieni mbele za Mfalme, Bwana. (K)

SHANGILIO

Zab. 119:105

Aleluya, aleluya,

Neno lako ni taa ya miguu yangu, na mwanga wa njia yangu.

Aleluya.

INJILI

Lk. 11:47-54

Yesu aliwaambia wanasheria: Ole wenu, kwa kuwa mwajenga maziara ya manabii, na baba zenu ndio waliowaua. Basi, mwashuhudia na kuziridhia kazi za baba zenu; kwa kuwa wao waliwaua nanyi mwawajengea maziara.

Na kwa sababu hiyo hekima ya Mungu ilisema, Tazama, nitatuma kwao manabii na mitume, nao watawaua baadhi yao na kuwafukuza, ili kwa kizazi hiki itakwe damu ya manabii wote, iliyomwagika tangu kupigwa msingi wa ulimwengu; tangu damu ya Habili hata damu ya Zakaria, aliyeuawa kati ya madhabahu na hekalu. Naam, nawaambieni ya kwamba itatakwa kwa kizazi hiki.

Ole wenu, enyi wanasheria, kwa kuwa mmeuondoa ufunguo wa maarifa; wenyewe hamkuingia na wale waliokuwa wakiingia mmewazuia.

Alipotoka humo, waandishi na Mafarisayo walianza kumsonga vibaya, na kumchokoza kwa maswali mengi, wakimvizia, ili wapate neno litokalo kinywani mwake.

Neno la Bwana… Sifa kwako Ee Kristo

Copyright © 1993 T.M.P. Book Department, Tabora - Tanzania: see MASOMO YA MISA. Scripture readings from ‘Biblia Takatifu’are published and copyright © 1975, 1993 by T.M.P. Book Department, Tabora – Tanzania.© Bible Society of Kenya, © Bible Society of Tanzania.These readings are a reproduction by Furaha ya Kikatoliki: see www.fur-kat.blogspot.com.

KUJIZOESHA KUTENDA FADHILA!

“ASALI ITOKAYO MWAMBANI”

Jumatano, Oktoba 14, 2026

Juma la 28 la Mwaka wa Kanisa

Gal 5:18-25;

Zab 1:1-4, 6;

Lk 11:42-46

KUJIZOESHA KUTENDA FADHILA!

Katika somo la kwanza leo Mt. Paulo leo anaorodhesha baadhi ya vitu ambavyo Wagalatia wanapaswa kuepuka. Anasema kuna baadhi ya matendo ya mwili. Pengine ni kama tunavyosikia baadhi yake ni, mumonyoko wa maadili, uasherati, kuabudu miungu mingine, ushirikina, ulevi na anasa, tunaweza kujisifia na kusema, Oh! Mimi sitendi kati ya hayo. Hii inaweza kutufanya turidhike na kujiona bora kuliko wengine. Lakini hata hivyo, tukipitia hiyo orodha kwa makini na kwa ndani kabisa, tunaweza kutambua kwa namna moja au nyingine tunahitaji Roho wa Mungu zaidi ili tuweze kuwa wema na kuepuka hayo.

Yesu anawataja walimu washeria na Mafarisayo kwa maneno makali kabisa. Yesu anatumia mfano wa zaka kuonesha ni kwa jinsi ghani walivyotoka njee ya mstari. Mungu alitaka sadaka ya mazao ya kwanza kama shukrani na heshima ya nguvu zake kwa kujali watu wake (Kumb. 14: 22; Lev. 27: 30).

Waandishi walienda mbali zaidi na kuwatoza watu zaidi tena kwa kutumia mahesabu na ujazo usio wa muhimu, na kushindwa kuwajali maskini na wahitaji. Walishikwa na wivu na kushindwa kuwapenda wengine. Yesu pia anawalinganisha pia na “makaburi yasio na mipaka” ilikuwa mtu akijigusa na kaburi alikuwa anatiwa najisi kwa muda wa siku saba (Hes 19:16). Wale wote waliokuja kuwasikiliza Mafarisayo na waandishi kadhalika walitiwa unajisi kwa mafundisho yao ya uongo.

Kiini cha amri za Mungu ni upendo. Mungu ni Upendo na kila kitu anchotenda kinatoka katika upendo wake kwetu sisi. Je, una ruhusu Upendo wa Mungu ubadili akili yako na moyo wako? Je, upo tayari kukuwa katika fadhila katika upendo kwa Mungu na jirani? Fadhila inapaswa kupaliliwa kwa sala na matendo mema ili zikuwe na zimee ndani kabisa mwa mioyo yetu, ili ziweze kukomaa na kuchanua. Kama vile mimea inavyo hitaji maji na mbolea ili imee vizuri, ndivyo na fadhila za Kimungu zinapaswa kumwagiliwa kwa kuzitenda kila wakati na kuwa karibu zaidi na Mungu. Tumuombe Mungu atusaidie kusogea karibu naye daima, kadiri unavyokuwa karibu na taa ndivyo uhakika wakuona unakuwepo. usaidie kusogea karibu naye daima, kadiri unavyokuwa karibu na taa ndivyo uhakika wakuona unakuwepo. Tuishi kama Mungu anavyopenda ili tutende kwa upendo kama Mungu anavyotutendea.

Sala: Bwana, washa ndani ya moyo wangu kwa upendo ili niweze kutenda yale yalio ya lazima kabisa-Upendo kwa Mungu na Upendo kwa Jirani. Amina.

MASOMO YA MISA, OKTOBA 14, 2026

MASOMO YA MISA, OKTOBA 14, 2026

JUMATANO, JUMA LA 28 LA MWAKA WA KANISA

SOMO LA 1

Gal 5:18-25

Mkiongozwa na roho, hampo chini ya sheria. Basi matendo ya mwili ni dhahiri ndiyo haya uasherati, uchafu, ufisadi, ibada ya sanamu, uchawi, uadui, ugomvi, wivu, hasira, fitina,faraka, urushi,husuda, ulevi,ulafi na mambo yanayo fanana na hayo; katika hayo nawaambia mapema kama nilivyokwisha kuwaambia ya kwamba watu watendayo mambo ya jinsi hiyo hawata urithi ufalme wa Mungu.Lakini tunda la roho ni upendo, furaha, amani, uvumilivu, utu wema, fadhili, uaminifu, upole, kiasi;juu ya mambo kama hayo hakuna sheria. Na hao walio wa Kristo Yesu wameusulubisha mwili pamoja na mawzo yake mabaya na tamaa zake.Tukiishi kwa Roho na tuenende kwa Roho.

Hilo ndilo neno la Bwana ...Tumshukuru Mungu

WIMBO WA KATIKATI

Zab 1:1-4, 6 (K)

(K) Wanaokufuata, EeBwana, watakuwa na nuru ya uzima

Heri mtu yule asiye kwenda

Katika shauri la wasio haki

Wala hakusimama katika njia ya wakosaji

Wala hakuketi barazani pa wenye mizaha

Bali sheria ya bwana ndiyo impendezayo

Na sheria yake huitafakari mchana na usiku (K)

Naye atakuwa kama mti uliopandwa

Kandokando ya kijito vya maji

Uzaao matunda yake kwa majira yake

Wala jani lake halinyauki

Na kila alitendalo litafanikiwa (K)

Sivyo walivyo wasio haki

Hayo ni kama makapi yapeperushwayo na upepo

Kwa kuwa bwan anaijua njia ya wenye haki

Bali njia ya wasio haki itapotea (K)

SHANGILIO

Zab 111:7, 8

Aleluya, aleluya

Maagizo yako yota Ee Bwana ni amini

Yamethibitika milele na milele

Aleluya

INJILI

Lk. 11:42-46

Yesu aliwaambia Mafarisayo: Ole wenu, Mafarisayo, kwa kuwa mwatoa zaka za mnanaa na mchicha na kila mboga, na huku mwaacha mambo ya adili, na upendo wa Mungu; iliwapasa kuyafanya hayo ya kwanza, bila kuyaacha hayo ya pili. Ole wenu, Mafarisayo, kwa kuwa mwapenda kuketi mbele kakika masinagogi, na kusalimiwa masokoni. Ole wenu, kwa kuwa mmefanana na makaburi yasiyoonekana, ambayo watu wapitao juu yake hawana habari nayo.

Mtu mmoja katika wanasheria akajibu, akamwambia, Mwalimu, kwa kusema hayo umetushutumu sisi nasi. Akasema, Nanyi wanasheria, ole wenu, kwa sababu mwawatwika watu mizigo isiyochukulika, wala ninyi wenyewe hamwigusi mizigo hiyo hata kwa kimoja cha vidole vyenu.

Neno la Bwana… Sifa kwako Ee Kristo.

YESU ANAYASEMA YOTE KWA UWAZI

“ASALI ITOKAYO MWAMBANI”

Tafakari ya kila siku

Jumanne, Oktoba 13, 2026,

Juma la 28 la Mwaka wa Kanisa

Gal 5:1-6

Zab 118:41, 44-45, 47-48

Lk 11:37-41

YESU ANAYASEMA YOTE KWA UWAZI

Mafarisayo walijivuna nakujiona wao wenyewe kuwa wema na wasafi kwa kushika mapokeo na sheria. Waliigawa jamii katika makundi ya walio wema na walio wabaya, wakijiona wenyewe kuwa wema na watu wamataifa mengine kuwa waovu. Kwa njia ya taratibu na sheria zilizo tengenezwa na wanadamu walifunga ufalme wa Mungu kwa watu wa mataifa mengine (waliodhani hawastahili wokovu). Walijifanya kuonekana wasafi na wema kumbe mioyo yao ilikuwa minafiki na miovu. Yesu anaonya juu ya unafiki wao wa kila wakati.

Mungu anaisoma mioyo ya watu. Kama ndani ya mtu ni giza, mwili wote unakuwa giza na mtu hawezi kujidai ni mtu wa Mungu. Yesu anatoa ujumbe mkubwa kabisa kwa wote, hasa kwa viongozi wa dini, wawe watu wa Mungu kweli, wenye tabia za Kimungu, utu na maadili mema. Ni mtu mzuri tu anayeweza kuzaa matunda mema ya roho, ambayo ni , “upendo, furaha, Amani, upole na kujitawala” (Gal 5:22 – 23).

Katika Injili tunamuona Mfarisayo anamualika Yesu kwa chakula. Yesu alifahamu lengo la Mfarisayo kumualika kwa chakula cha pamoja. Walitaka kutafuta kosa ili wamhukumu Yesu. Lakini Yesu anachukua nafasi hii kurekebisha mawazo yao. Yesu alikuwa mtu mwazi. Alienda kwa chakula cha pamoja na akawarekebisha. Sisi nasi tuna nafasi mbali mbali za kuwarekebisha watu wengi tunaokutana nao katika maisha yetu. Je, tupo tayari kusema ukweli kwa ajili ya kuleta marekebisho mema na kutokomeza uovu? Au tunasubiri mpaka mtu akosee ili tufurahi na ndipo tunapoenda kumweleza ukweli? Je, matendo yangu katika dini yangu yananifanya niwe chombo cha Amani na umoja katika jamii ninayoishi?

Sala: Bwana, tufanye waaminifu na wakweli. Tupe utambuzi wa unafiki wowote mahali popote, lakini usituache tusahau unafiki wetu wenyewe. Tusaidie tuweze kutambua kuwa mabadiliko haya kama mengine yanapaswa yaanzie ndani maana yake ndani ya mioyo yetu na akili zetu. Amina.

MASOMO YA MISA, OKTOBA 13, 2026

MASOMO YA MISA, OKTOBA 13, 2026

JUMANNE, JUMA LA 28 LA MWAKA

SOMO 1

Gal 5:1-6

Katika ungwana huo kristo alituandikia huru kwa hiyo simameni wala msinaswe tena chini ya kongwa la utumwa. Tazama mimi Paulo nawambia ninyi ya kwamba mkitahiriwa, Kristo hatawafaidia neno. Tena namshuhudia kila mtu atahiriwaye,kwamba ni wajibu wake kutimiza torati yote.Mmetengwa na kristo mtakao kuhesabiwa haki kwa sheria ; mmeanguka na kutoka katika hali ya neema. Maana sisi kwa roho tunalitazamia tumaini la haki kwa njia ya Imani.Maana katika Kristo Yesu kutahiriwa hakufai neno,wala kutotahiriwa , bali Imani itendayo kazi kwa upendo.

Hilo ndilo neno la Bwana… Tumshukuru Mungu

WIMBO WA KATIKATI

Zab 119:41,43-45,47-48

(K) Ee bwana fadhili zako zinifikie na mimi

Ee bwana fadhili zako zinifikie na mimi

Naam wokovu wako sawasawa na ahadi yako

Nami nitamjibu neno anilaumuye

Kwa maana nalitumainia neno lako (K)

Nami nitaitii milele na milele

Naam milele na milele

Nami nitakwenda panapo nafasi

Kwa kuwa nimejifunza mahusia yako (K)

Nami nitajifurahisha sana kwa maagizo yako

Ambayo nimeyapenda

Na mikono yangu nitayainulia

Maagizo yako niliyoyapenda

Nami nitazitafakari amri zako. (K)

SHANGILIO

Zab 119:135

Aleluya ,aleluya,

Umwangazie mtumishi wako uso wako,

Na kunifundisha amri zako.

Aleluya.

INJILI

Lk. 11:37-41

Yesu alipokuwa akinena, Farisayo mmoja alimwita aje kwake ale chakula; akaingia, akaketi chakulani. Farisayo huyo alipomwona, alistaajabu kwa sababu hakunawa kabla ya chakula. Bwana akamwambia, Ninyi Mafarisayo mwasafisha kikombe na sahani kwa nje, lakini ndani yenu mmejaa unyang’anyi na uovu. Enyi wapumbavu; aliyevifanya vya nje, siye yeye aliyevifanya vya ndania pia? Lakini, toeni sadaka vile vya ndani, na tazama, vyote huwa safi kwenu.

Neno la Bwana… Sifa kwako Ee Kristo.

UHURU WA KWELI NDANI YA YESU!

“ASALI ITOKAYO MWAMBANI”

Tafakari ya kila siku

Jumatatu, Oktoba 12, 2026,

Juma la 28 la Mwaka wa Kanisa

Gal 4:22-24, 26-27, 31 - 5:1;

Zab 112:1-7;

Lk 11:29-32

UHURU WA KWELI NDANI YA YESU!

Kama Mt. Paulo anavyotuambia katika Somo la kwanza, tusiache kwamwe kuadhimisha bahati kubwa ya Baraka ambayo kila mmoja anatumaini kuishiriki-baada ya kupewa uhuru wa kweli kama watoto wa Mungu kwa njia ya Yesu Kristo. Watu wengi hawazaliwi tu katika hali ya utumwa kwasababu ya serikali zinazo kandamiza watu kwa ukosefu wa haki, bali wanazaliwa pia katika falsafa mbali mbali na dini ambazo, hatujui kama zitakuwa na uhusiano wowote na Mungu wa kweli, huaribu kile kilicho cha kweli kiasi kwamba dini huwa kama aina ya utumwa ya kuogopa zaidi kuliko uhuru wa kutoka katika dhambi ulioletwa na Kristo. Tusichukulie uhuru wetu kwa mizaha, bali tukumbuke kumshukuru Mungu kila siku kwa kujikuta tumezaliwa katika hali tuliopo, au tuliofanikiwa kuingia tangu kuzaliwa.

Katika Injili ya leo, Yesu anaposema “tazama, yupo mkuu kuliko Yona hapa” Yesu anamuongelea nani? Anajiongelea Mwenyewe. Tumfanye Yesu awe rafiki na wa muhimu sana katika maisha yetu. Tuweke akilini kwamba yupo nasi kila mahali, sio wakati wa kusali tu, bali wakati unacheza, unafanya kazi, unakula, una lala. Yesu anataka kufanya kila kitu pamoja nasi. Kadiri unavyotambua uwepo wa Yesu katika kila jambo unalofanya katika maisha yako, ndivyo unavyokuwa katika hali ya juu ya muunganiko wa ndani pamoja naye. Ukitambua upo na Yesu kila wakati huwezi kumtenda jirani yako vibaya kwa jinsi yeyote ile, labda kwa kumsema vibaya au kwa namna nyingine ile. Wayahudi wengi walikataa urafiki wake. Je, unataka kukataa uhuru unaokuja kwasababu ya kuwa na urafiki na Yesu?

Sala: Nakushukuru Ee Bwana, kwa uhuru tunaofurahia kama watoto wa Baba Yetu wa Mbinguni. Amina.

MASOMO YA MISA, OKTOBA 12, 2026

MASOMO YA MISA, OKTOBA 12, 2026

JUMATATU, JUMA LA 28 LA MWAKA

SOMO 1

Gal 4:22-24, 26-27, 31:5:1

Imeandikwa ya kuwa, Ibrahimu alikuwa na wana wawili.Mmoja alikuwa mjakazi na mwingine alikuwa muungwana. Lakini yule wa mjakazi alizaliwa kwa mwili, yule wa muungwana kwa ahadi. Mambo haya husemwa kwa mfano; kwa maana hawa ndio kama maagano mawili, mmoja kutoka Sinai, lizaalo kwa utumwa, ambalo ni hajiri. Bali Yerusalemu wa juu ni mwungwana naye ndiye mama yetu sisi. Kwa maana imeandikwa, furahi wewe uliye tasa, usiye zaa; paza sauti, ulie, wewe usiye na utungu:maana watoto wakealiyeachwa pekee ni wengi kuliko huyo aliye na mume. Ndiposa, ndugu zangu, sisi si watoto wa mjakazibali tu watoto wa huyo aliye mwungwana.

Katika ungwana huo Kristo alituandikia huru; kwa hiyo simameni, wala msinaswe tena chini ya kongwa la utumwa.

Neno la Bwana... Tumshukuru Mungu

WIMBO WA KATIKATI

Zab 113:1-7 (K) 2

(K) Jina la bwana lihimidiwe milele

Aleluya

Enyi watumishi wa Bwana sifuni

Lisifuni jina la Bwana

Jina la Bwana lihimidiwe

Tangu leo na hata milele. (K)

Toka mawio ya jua hata machweo yake

Jina la bwana husifiwa

Bwana ni mkuu juu ya mataifa yote

Na utukufu wake ni juu ya mbingu (K)

Ni nani aliye mfano wa bwana

Mungu wetu aketiye juu

Anyenyekeaye kutazama

Mbinguni na duniani?

Humwinua mnyonge kutoka mavumbini

Na kumpandisha masikini toka jaani. (K)

SHANGILIO

Zab 119:34

Aleluya, aleluya

Unifahamishe nami nitaishika sheria yako

Nitaitii kwa moyo wangu wote

Aleluya

INJILI

Lk. 11:29-32

Makutano walipokuwa wakimkusanyikia, Yesu alianza kusema, Kizazi hiki ni kizazi kibaya; kinatafuta ishara, wala hakitapewa ishara, ila ishara ya Yona. Maana, kama vile Yona alivyokuwa ishara kwa Waninawi, ndivyo atakavyokuwa Mwana wa Adamu kwa kizazi hiki. Malkia wa Kusini ataondoka siku ya hukumu pamoja na watu wa kizazi hiki, naye atawahukumu kuwa na hatia; kwa sababu yeye alikuja kutoka nchi za dunia aisikie hekima ya Sulemani; na hapa pana mkubwa kuliko Sulemani. Watu wa Ninawi watasimama siku ya hukumu pamoja na kizazi hiki, nao watakihukumu kuwa na hatia; kwa sababu wao walitubu kwa mahubiri ya Yona, na hapa pana mkubwa kuliko Yona.

Neno la Bwana… Sifa kwako Ee Kristo.

MWALIKO KWENYE KARAMU!

“ASALI ITOKAYO MWAMBANI”

Jumapili, Oktoba 11, 2026
Dominika ya 28 ya Mwaka

Isa 25: 6-10;
Zab 22:1-6;
Phl 4: 12-14, 19-20;
Mt 22:1-14

MWALIKO KWENYE KARAMU!

Karamu ya harusi ni picha inayotumika katika Bibilia kuonesha upendo wa Mungu na wana Waisraeli. Katika mfano wa Injili, Bwana harusi ni Yesu, yeye ni Mwana, Bibi harusi ni wanadamu wote ambao Mungu anawapenda sana. Karamu ni furaha ya kuwa na Masiha. Ambaye anakubali Injili na kuingia katika karamu hii huingia na kupata furaha kubwa. Katika Biblia ufalme wa Mungu haufananishwi na kikanisa ambacho watu hkusanyika ili kusali kwa moyo wote. Haulinganishwi na Monesteri Fulani ambayo kuna ukimya na hakuna sauti inayo sikika, na ambapo watu hawasumbui wengine wakiwa wanatafakari na kuzama kabisa, bali ni karamu, ambapo watu wanakutana na kula, kunywa na kushangilia pamoja.

Katika somo la kwanza nabii anatabiri kwamba Mungu ataaandaa karamu ambayo watu watashangilia ushindi kuhusu kifo. Wakati wa Pasaka ni muda wa kushangilia kutokuvunjika kwa uhusiano huu wa Bwana harusi na Bibi Harusi, yaani Kristo na watu wake. Kumbe si hata kifo kinaweza kumtenganisha Bwana harusi huyu na Mpendwa wake. Kuanzia hapo, hakuna tena uchungu, wala kutokuaminiana, wasi wasi kwani kifo cha iana yeyote kimeshindwa, kaburi li wazi.

Watumishi ambao walichukua wito huu wamegawanyika katika sehemu mbili. Wakwanza kabisa ni manabii wa Agano la Kale, hadi Yohane Mbatizaji. Walichukua jukumu la kuwaandaa Waisraeli ili waweze kumpokea Bwana harusi, Yesu. Hawakufanikiwa sana. Kundi la pili ni mitume na sisi wote, matokeo yaliopatikana na wao ni nafuu zaidi.

Walioalikwa wa kwanza hawakuja kwenye karamu, hawakuwa na moyo wa kuacha mambo yao, shamba na biashara. Hawakuhitaji karamu, walijisikia waliojitosheleza, wakiamini kwamba wana kila kitu walicho hitaji katika maisha hivyo hawana shida. Hawa iliwawakilisha viongozi wa dini wa Waisraeli, ambao walikuwa wameridhika na hali ya dini yao ambayo iliwapa nafasi na heshima mbele ya watu, wakijiona mbele ya Mungu ni hivyo hivyo. Wale ambao hawafahamu umaskini wao, ambao hawakusikia kilio kwa ajili ya ulimwengu mpya, hawawezi kuingia katika Ufalme wa Mungu. Watajiweka katika maana yao wanayo ishi. Ni wale maskini tu wanaweza kufahamu hali yao mbele ya Mungu.

Katika Injili, Mwinjili Mathayo, anaweka historia yote ya ukombozi kwa kutumia mfano, mfano unafananisha Ufalme wa Mungu na karamu, kama inavyopatikana leo pia katika somo la kwanza la nabii Isaya, ambalo linatazama Ufalme wa Mungu, kama karamu kubwa ya Bwana ambayo Bwana atawapa watu wake katika mlima mkubwa (Yerusalemu). Ufalme huu wa Mungu unadhihirishwa katika uhalisia-sehemu ambayo kifo kitatokomezwa, na kujazwa na furaha ya watu walio msubiri Masiha aliye ahidiwa tangu kale. Lakini pia Isaya anawakilisha pia ujio wa Masiha kwa karamu-ambapo kila mtu atakuwa na uchaguzi wakuchagua apendacho katika karamu.

Mathayo anaonesha kwamba Ufalme wa Mungu ni kitu ambacho kinapaswa kupokelewa na kukubaliwa. Sio kitu ambacho mtu anakipigania na kukitafuta bali ni kupokea kama zawadi kutoka kwa Mungu, na Mwanae Yesu. Lakini pia maana ya karamu inabadilishwa pia katika hali ya karamu ya mwisho ya Mwana kondoo ambapo hukumu itakuwa kwa Waisraeli. Hawa ni wale watakao hukumiwa kwa kutokupokea ufalme huu wa Mungu kwa njia ya Mwanae Yesu Kristo. Maada hii inaendelea pia katika jumuiya ya waumini ambao wamepokea ufalme wa Mungu. Hivyo ufalme wa Mungu, ingawaje ni zawadi kwetu, inahitaji mwitikio. Kukubali hili inabidi kuacha maisha ya zamani na kumvaa Kristo kwa maisha mapya au kwa namna nyingine tuvae utu wa Mungu. Kukubaliwa kwetu na Mungu inatagemea sana jinsi tulivyokubali Ufalme wake. Wakati Mungu alivyo niita mimi kumfuata, napaswa kumfuata na kujibu wito wake bila kujibakiza.

Sala: Bwana, ninakupa wewe maisha yangu. Ninaomba niweze kuwa muwazi kwako kila siku kwa kila njia, nikitafuta kupokea kila neno linalo tumwa kutoka katika moyo wako wa huruma. Ninakuomba nitumiwe nawe niweze kuwa chombo cha huruma kwa watu wote ulimwenguni. Yesu nakuamini wewe. Amina

MASOMO YA MISA, JUMAPILI, OKTOBA 11, 2026

MASOMO YA MISA,
JUMAPILI, OKTOBA 11, 2026

JUMA LA 28 LA MWAKA

________

MWANZO
Zab. 130:3-4

Bwana, kama wewe ungehesabu maovu, ee Bwana, nani angesimama? Lakini kwako kuna msamaha, ee Mungu wa Israeli.
________

SOMO I
Isa. 25:6-10

Katika mlima huu Bwana wa majeshi atawafanyia mataifa yote karamu ya vitu vinono, karamu ya divai iliyokaa juu ya urojorojo wake, karamu ya vinono vilivyojaa mafuta, karamu ya divai iliyokaa juu ya urojorojo wake, iliyochujwa sana. Naye katika mlima huu atauharibu uso wa sitara iliyowekwa juu ya watu wote, na utaji ule uliotandwa juu ya mataifa yote. Amemeza mauti hata milele; na Bwana Mungu atafuta machozi katika nyuso zote; na aibu ya watu wake ataiondoa katika ulimwengu wote; maana Bwana amenena hayo.

Katika siku hiyo watasema, Tazama, huyu ndiye Mungu wetu, Ndiye tuliyemngoja atusaidie; Huyu ndiye Bwana tuliyemngoja, Na tumshangilie na kuufurahia wokovu wake, Kwa maana mkono wa Bwana utatulia katika mlima huu.

Neno la Bwana...Tumshukuru Mungu

________

WIMBO WA KATIKATI
Zab. 22 (K) 6

(K) Nami nitakaa nyumbani mwa Bwana milele.

Bwana ndiye mchungaji wangu,
Sitapungukiwa na kitu.
Katika malisho ya majani mabichi hunilaza,
Kando ya maji ya utulivu huniongoza.
Hunihuisha nafsi yangu. (K)

Huniongoza katika njia za haki kwa ajili ya jina lake.
Naam, nijapopita kati ya bonde la uvuli wa mauti,
Sitaogopa mabaya;
Kwa maana Wewe upo pamoja nai,
Gongo lako na fimbo yako vyanifariji. (K)

Waandaa meza mbele yangu,
Machoni pa watesi wangu.
Umenipaka mafuta kichwani pangu,
Na kikombe changu kinafurika. (K)

Hakika wema na fadhili zitanifuata
Siku zote za maisha yangu;
Nami nitakaa nyumbani mwa Bwana milele. (K)
________

SOMO 2
Flp. 4:12-14, 19-20

Najua kudhiliwa, tena najua kufanikiwa; katika hali yoyote, na katika mambo yoyote, nimefundishwa kushiba na kuona njaa, kuwa na vingi na kupungukiwa. Nayaweza mambo yote katika yeye anitiaye nguvu. Lakini mlifanya vema, mliposhiriki nami katika dhiki yangu. Na Mungu wangu atawajazeni kila mnachokihitaji kwa kadiri ya utajiri wake, katika utukufu, ndani ya Kristo Yesu. Sasa atukuzwe Mungu, Baba yetu, milele na milele. Amina.

Neno la Bwana...Tumshukuru Mungu

________

SHANGILIO
Yn. 14:6

Aleluya, aleluya,
Mimi ndimi njia, na Ukweli, na Uzima, asema Bwana;
Mtu haji kwa Baba, ila kwa njia ya mimi.
Aleluya.
________

INJILI
Mt. 22:1-14

Yesu alijibu, akawaambia tena kwa mithali, akisema, Ufalme wa mbinguni umefanana na mfalme mmoja aliyemfanyia mwanawe arusi. Akawatuma watumwa wake wawaite walioalikwa kuja arusini; nao wakakataa kuja. Akatuma tena watumwa wengine, akisema, Waambieni wale walioalikwa, Tazameni nimeandaa karamu yangu; ng’ombe zangu na vinono vimekwisha kuchinjwa, na vyote vimekuwa tayari njoni arusini. Lakini hawakujali, wakaenda zao, mmoja shambani kwake, mmoja kwenye biashara yake; nao waliosalia wakawakamata watumwa wake, wakawatenda jeuri, na kuwaua. Basi yule mfalme akaghadhibika; akapeleka majeshi yake, akawaangamiza wauaji wale, akauteketeza mji wao. Kisha akawaambia watumwa wake, Arusi I tayari, lakini wale walioalikwa hawakustahili. Basi enendeni hata njia panda za barabara, na wote mwaonao waiteni arusini. Watumwa wale wakatoka wakaenda njia kuu, wakakusanya wote waliowaona, waovu kwa wema; arusi ikajaa wageni. Lakini alipoingia yule mfalme ili kuwatazama wageni wake, akaona mle mtu mmoja asiyevaa vazi la arusi. Akamwambia, Rafiki, uliingiaje humu nawe huna vazi la arusi? Naye akatekewa. Mfalme akawaambia watumishi, Mfungeni mikono na miguu, mchukueni mkamtupe katika giza la nje, ndiko kutakuwako kilio na kusaga meno. Kwa maana waitwa ni wengi, bali wateule ni wachache.

Neno la Bwana...Sifa kwako, ee Kristo
________

Everyday Saint / Maisha ya Watakatifu