KUIGA NJIA ZA FAMILIA TAKATIFU YA NAZARETI

 

“MBEGU ZA UZIMA”

Desemba 27, 2020.

------------------------------------------------

JUMAPILI, OKTAVA YA NOELI

 

SIKUKUU YA FAMILIA TAKTIFU

 

Somo la 1: YbS 3:3-7, 14-17 Yoshua Bin Sira anaweka mfano wa familia kutoka katika Agano la kale, mfano ambao unasisitiza kuhusu majukumu ya kawaida na thawabu iliyowekwa kwa wale ambao watatimiza jukumu hilo. Ni mkazo kuhusu jukumu la mmoja kuwaheshimu Baba na Mama. Hili halina maana ya kuwaheshimu tu wakati tukiwa wadogo bali kuwatunza pia wakati wakiwa wazee.

 

Wimbo wa Katikati: Zab 127: 1-5 Wamebarikiwa wale wenye hofu ya Bwana, wao na familia zao watabarikiwa na watafanikiwa.

 

Somo la 2: Kol 3:12-21 Mfano mzuri wa familia kadiri ya Paulo umejikita katika upendo na kuheshimiana kati ya kila mmoja katika familia. Anasisitiza kwamba hali ya upendo inapaswa kuvuma katika familia ya Kikristo, kwa msisitizo juu ya msamaha wa kila siku.

 

Injili: Lk 2: 22-40 inahusisha tukio la kutolewa Bwana hekaluni, na linatueleza kidogo juu ya maisha yake huko Nazareti.

 

*(Tunatumia masomo kutoka katika shajara kama inavyo elekeza, Lakini, Kitabu kipya kimetambulisha masomo mapya kwa Mwaka B: Somo la 1, Mwanzo 15:1-6; 21:1-3, Wimbo ktk 105:1-9, somo la 2, Ebr 11:8,11-12,17-19 na Injili-Lk 2:22-40. Tafadhali wasiliana na kanisa Mahalia wameamua nini.)*

-------------------------------------------

 

KUIGA NJIA ZA FAMILIA TAKATIFU YA NAZARETI

 

Leo, tunaheshimu familia takatifu ya Nazaret, Yesu, Maria na Yosefu. Kwa ujumla sisi huwa tuna taswira nzima ya familia Takatifu. Malaika akimwambia Maria na Yosefu daima pale ambapo kuna wakati wa hatari na mashaka. Tunaona kama nyumbani kwao Nazareth kuwa kama sehemu Fulani ya mbinguni ambayo haiingiliwi na mtu, yenye ukamilifu, na sehemu yenye ukamilifu katika uelewano. Lakini picha hii inatoa mfanano hafifu kulingana na maisha waliosafiri. Hatuelezwi sana kuhusu maisha ya familia takatifu katika Injili. Lakini tumepewa kidogo. Tukisaidiwa na hili na hasa tukisoma kwa undani, tunapata picha tofauti. Tunaona kwamba familia Takatifu walikumbana na magumu, na katika heshima hiyo tunaweza kusema Kwamba ilikuwa familia ya kawaida kama yetu.

 

Wakati ulipo timia kwa Yesu kuzaliwa, Yosefu na Maria hawakupata sehemu ya kukaa katika vyumba vya wageni. Kuwa na milango yote ikiwa imefungwa mbele ya macho yako sio kitu cha kujisikia vizuri. Furaha yao wakati wa kuzaliwa kwa Yesu ilipunguzwa. Hata alipo zaliwa tu alianza kuwindwa na Herode ili auwawe, na Yosefu na Maria iliwabidi wasafiri hadi nchi ya ugenini. Kule pia aliweza kufahamu ni jinsi gani ya kuwa mgeni katika nchi ya watu, kama mkimbizi. Wakati walipo tembelea Yerusalemu, Yesu aliwapotelea tena, Yosefu na Maria walimtafuta kwa huzuni mioyoni mwao. Wakati wa maisha yake Maria hakuelewa kila mara alichokuwa akitenda Yesu. Alimuona akichukuliwa na umati. Na mwishowe kukatokea uchungu wa msalaba, wakati upanga wa uchungu ulivyo penya moyo wa Maria, na wakati upanga ulivyo penya moyo wa Mwanae. Familia takatifu haikuwahi kuishi maisha ya uhuru tuu bila kuwa na misuko suko. Na nikwa jinsi hii tunaweza kuiita familia Takatifu kwasababu walishinda magumu yote, na ndio maana ni familia ya mfano kwetu.

 

Familia zetu mara nyingi zinatembelewa pia na mateso, uchungu, kutokuelewana, tatizo moja au jingine. Maisha yetu mara nyingine yanatiwa dosari, wakati mwingine yanaanguka kwa pamoja. Hatupaswa kupatwa na hali ya kukata tamaa na kufa moyo. Familia takatifu inatusaidia kukuwa katika uimara katika mahusiano yetu. Matatizo na uchungu yanaleta familia pamoja. Daima tunaitwa na kusamehe, kupenda, na uelewa daima unakusubiri. Yesu, Maria na Yosefu atusaidie katika kukuwa katika neema kwa msaada wa Mungu na msaada wa sisi kwa sisi.

 

Tunaitwa leo kutafakari juu ya umuhimu wa utume wetu na jukumu la familia ya Kikristo. Familia Baba, Mama na watoto wanatengeneza familia. Kila mmoja katika familia ana thamani, kupendwa na kuheshimiwa. Ukamilifu wa maisha ya Familia unaonekana katika familia ya Nazaret. Katika familia hii tunamuona Yosefu daima akiwa makini katika kusikiliza sauti ya Mungu, Maria daima akiwa tayari kuyatenda mapenzi ya Mungu na Yesu daima akiwatii wazazi wake. Ilikuwa ni muunganiko wa watu tofauti. Je, familia zetu mnaishi kwa umoja wa kijumuiya au mnaishi kwa pamoja kwasababu inalazimu?

 

Msingi ambao familia inapaswa kujengwa ni juu ya upendo. Kila mmoja katika familia anapaswa kumchukulia mwenzake kwa upendo. Mungu Baba, Mungu Mwana na Mungu Roho Mtakatifu wanashirikisha upendo wao na uhai wao kwa viumbe vyote, hasa wanadamu. Yesu alishirikisha upendo huu kwa familia yake, Maria na Yosefu na wanadamu wote. Je, ni upendo wa namna gani navuvia katika familia yangu na uzima? Familia ni kanisa la nyumbani. Kitu muhimu kabisa ambacho familia inapaswa kufanya ni sala katika familia. Kama tulivyosikia mara nyingi, “Familia inayosali pamoja huishi pamoja”. Inapata rutuba na vitamin kutoka katika maisha ya sala, je, ninaingia nyumbani kwangu kama ninavyo ingia kanisani?

 

Injili ya leo, licha ya Yesu, Maria na Yosefu, kuna watu wawili ambao ni wazee sana, Simeoni na Anna, ambao walikuwa wakisali na kumsubiria Masiha katika maisha yao yote. Maadili mengine ya maisha ya familia ni Wazee, babu na bibi wanaweza kuwafundisha wajukuu, vijana mambo mema kabisa. Tusiwatenge na kuwaona kana kwamba wamepitwa na wakati.

 

Sala: Bwana, nisaidie mimi kuishi kama familia takatifu, tukiungana katika kuheshimiana na upendo. Ninaomba umoja wetu utupe ujasiri wa kukumbana na changamoto ya maisha. Yesu, nakuamini wewe. Amina.

 

------------------------

Copyright ©2013-2020 ©FurKat, FurahayaKikatoliki: see www.fur-kat.blogspot.com.