SISTAHILI!

“ASALI ITOKAYO MWAMBANI”

Tafakari ya kila siku

Jumatatu, Septemba 16, 2024, 

Juma la 24 la Mwaka wa Kanisa

1Kor 11: 17-26, 33

Zab 39: 7-10, 17

Lk 7: 1-10.

SISTAHILI!

Mtumishi wa Jemedari yupo karibu kufa. Anawatuma wazee wa Wayahudi wakatafute msaada kutoka kwa Yesu. Wazee hawa wanasema “anastahili kufanya haya kwaajili yako”. Yesu bila kusema kama huyu Jemedari anastahili au la, anaondoka nao na kufuatana nao. Wakati jemedari alivyotambua Yesu yupo njiani anakuja, anamtuma mtu mwingine, mmoja wa marafiki zake. Alitaka wamwambie Yesu “asijisumbue! Hastahili yeye angie chini ya dari lake”. Anakataa walichosema wazee! “Kwahiyo sikujiona nastahili kuja kwako” “hata sikujichukulia mimi nastahili kuja kwako” “sistahili”. 

 

Sisi je? Ni mara ngapi umepokea msamaha? Je, umetambua kiini cha dhambi yako? Imani inaona kutokustahili kwa nafsi binafsi. Usidanganywe na wale wanaokuambia “wewe ni mtu mzuri unastahili sana”. Kama tungepata tunachostahili (kwa ajili ya dhambi zetu) ni hakika, tutaishia motoni. 

Kwakujibu swali “Hujambo?” C.J. Mahoney anajibu kwamba “ni nzuri kama nastahili”. Sisi wote hatumstahili Yesu. Imani ya kweli inaona kutokustahili kwa mtu mwenyewe. Lakini licha ya yote, Yesu anaingia nyumbani kwetu, anagonga ndani ya mioyo yetu. Si kwasababu tunastahili, ila ni kwasababu anatupenda sisi… anatupa zaidi ya kile tunachostahili.

Katika somo la kwanza Mtume Paulo anasema hayupo tayari kusifia uovu, pengine sisi nasi tumejikuta tukifumbia macho maovu ya wale tunaowapenda bila kuwaambia ukweli kwamba wamekosea ili wajirekebishe. Au pengine tumejikuta tukisifia uovu tukidhani tunalinda urafiki wetu. Kila tufanyalo liwe kwa faida ya wengine ikiwa ni pamoja nakuonyana kindugu yale mambo yasio endana na Kristo na Kanisa lake. 

Sala: Njoo moyoni mwangu, Ee Bwana na nakuomba upafanye sehemu yako yakuishi. Amina

Copyright ©2013-2024 ©FurKat, Furaha ya Kikatoliki: see www.fur-kat.blogspot.com