KUJITAKASA ILI UWEZE KUJAZWA NEEMA!

“ASALI ITOKAYO MWAMBANI”

Tafakari ya Kila siku

Jumatano, Julai 31, 2024 

Juma la 17 la mwaka wa Kanisa

KUMBUKUMBU YA MT. IGNASI WA LOYOLA

Yer 15: 10, 16-21; 

Zab 59: 2-4, 10-11, 17-18; 

Mt 13: 44-46

KUJITAKASA ILI UWEZE KUJAZWA NEEMA! 

Kiini cha dini ni sala: ni njia ya kuungana na Mungu. Katekisimu ya Kanisa Katoliki inatueleza kwamba, “Sala nikuinua akili na mioyo kwa Mungu au nikuomba mema kutoka kwa Mungu”. Mara nyingi tunaweka fikra zetu kwenye vitu kuliko kwa Mungu. Kuinua huku maana yake nikubadili mawazo yetu yote, tamaa na upendo wetu nakuuweka kwa Mungu na sio zaidi ya hilo. 

Ufalme wa Mungu sio sehemu fulani, ni Mungu mwenyewe, ni Mbinguni na umilele, ni muunganiko na Mungu. Ni katika kushiriki mafumbo ya Pasaka ya Kristo. “Na kama Pasaka hii ni kamilifu, tunapaswa kuweka pembeni mambo yote ya juu yakutaka kuchunguza sana kwa akili, na hivyo tugeuze kilele cha mioyo yetu kimuelekee Mungu ili aitakase” (Mt. Bonaventura). Hili ndilo tuliloitiwa tulifanye, kila siku, kuwa na muda wakusafisha namna yetu ya kufikiri na kuelewa, na kujikabidhi sisi wenyewe kwa Mungu. Kama Mungu ndiye thamani yako ya juu, lulu ya kweli, basi jisafishe mwenyewe kutoka kwa mengine yote yasioendana naye. 

Sala: Bwana, naomba uwe thamani ya juu kabisa ya moyo wangu. Amina.

Copyright ©2013-2024 ©FurKat, Furaha ya Kikatoliki: see www.fur-kat.blogspot.com