KUMFAHAMU YESU!

“ASALI ITOKAYO MWAMBANI”

Tafakari ya Pasaka

Jumamosi, Mei 18, 2024 

Juma la 7 la Pasaka

Mdo 28: 16-20, 30-31;

Zab 11: 4-5, 7 (R. 7);

Yn 21: 20-25

KUMFAHAMU YESU!

Jaribu kufikiria ni mitizamo aliokuwa nayo Mama Bikira Maria kuhusu Mwanae. Yeye kama Mama yake, atakuwa aliona mambo mengi na kuelewa nyakati nyingi za maisha yake ambazo nyingine hatuzifahamu. Yeye alikuwa akimtizama akikuwa mwaka baada ya mwaka. Alikuwa akimtizama akiongea na watu na kushirikiana na wengine. Atakuwa alitambau alikuwa akijiandaa kwa utume wake. Na atakuwa ameshuhudia nyakati nyingi za utume wake Mtakatifu na maisha yake yote ambayo hayaja andikwa katika Injili. 

Maneno ya mwisho ya Injili ya Yohane yanatupa hali Fulani ya kutafakari zaidi. Mambo yote tunayo fahamu kuhusu maisha ya Yesu, yanapatikana katika Injili, lakini inawezekanaje Injili hizi kuweza kuelezea maisha yote ya Yesu, kila kitu alichofanya? Ni hakika kwamba haziwezi. Kufanya hivyo kama Yohane alivyosema, “nadhani hata ulimwengu usingetosha kwa vile vitabu vitakavyoandikwa.”

Injili inatuonesha ni kwa jinsi ghani tunamfahamu Yesu kidogo sana. Inapaswa pia kufungua akili kwamba tunapaswa kumfahamu Yesu zaidi. Tunapaswa kutamani kumfahamu zaidi na zaidi. Na hii itatufunga tukazane kumtafuta Kristo zaidi na zaidi kwa ndani. Pia, ingawaje mambo mengine ya maisha ya Yesu hayaja andikwa, haina maana kwamba hatuwezi kumfahamu Yesu, tunaweza kumfahamu Yesu Mwenyewe kwa yale yote yaliyo katika maandiko Matakatifu. Hakika tutakutana naye. Tutakutana na Neno wa Mungu mwenyewe akiishi katika Maandiko na kukutana naye huku tunapewa yote tunayo hitaji. 

Tafakari leo, ni kwa jinsi ghani unamfahamu Yesu. Je, una muda wakusoma Maandiko Matakatifu na kuya tafakari? Je, unamtafuta kila siku na kutamani kumfahamu na kumpenda? Je, yeye yupo ndani yako na unajitahidi kujiweka mbele yake kila siku? Kama jibu ya moja wapo la maswali haya ni “HAPANA” basi hii ni siku nzuri ya kuanza tena kujituma katika kusoma maandiko Matakatifu, neno la Mungu. 

Sala: Bwana, ninaweza nisiwe nafahamu yote kuhusu maisha yako, lakini natamani kukufahamu. Ninatamani kukutana na wewe kila siku, kukupenda wewe na kukufahamu. Nisaidie nizame ndani zaidi katika uhusiano wangu na wewe. Yesu, nakuamini wewe. Amina

Copyright ©2013-2024 ©FurKat, Furaha ya Kikatoliki: see www.fur-kat.blogspot.com