KUONDOA MAJIVUNO NA UBINAFSI!

ASALI ITOKAYO MWAMBANI”

Tafakari ya Pasaka

Jumatatu, Mei 1, 2024

Juma la 5 Pasaka

Mdo 15:1-6;

Zab 122:1-5 (K. 1);

Yn 15:1-8.

Au Kumbukumbu ya Mt. Yosefu Mfanyakazi

Mwa 1:26-2:3; au Kol 3:14-15, 17, 23-24

Zab 90:2-4, 12-14, 16 (K. 17);

Mt 13:54-58.

KUONDOA MAJIVUNO NA UBINAFSI!

Kupunguza matawi ni muhimu kwa mti kama unapenda uzae mataunda mazuri au maua mazuri. Kama, kwa mfano, mti wa maua ya waridi unakuwa bila kupunguzwa, unatoa vimaua vidogo vingi, amabavyo ni dhaifu. Lakini kwa mti mzuri ulio pruniwa unatoa maua mazuri yenye afya. Yesu anatumia mfano kama huu kutufundisha somo kama hilo katika kuzaa matunda mazuri kwa ufalme wake. Anataka maisha yetu yawe yenye matunda mema na anataka kututumia sisi kama vyombo vyake vyenye nguvu ulimwenguni. Lakini tusipo ingia katika maisha ya kiroho ya kujipruni mara kwa mara , hatutakuwa vyombo ambavyo Mungu anaweza kuvitumia.

Kujipruni kiroho unachukua ile hali ya kumruhusu Mungu aondoe maovu katika maisha yetu ili fadhila ziweze kungaa. Na hili lina fanikiwa hasa tunapo mruhusu atupe unyenyekevu na kutuondoa katika maringo yetu. Hili linaweza kuumiza, lakini maumivu yanayo tokana na kunyenyekeshwa na Mungu ni ufunguo wa kukuwa kiroho. Kwa kukuwa katika unyenyekevu, tunakuwa zaidi katika kujikita katika chanzo chetu kuliko katika kukuwa katika hali zetu wenyewe, mawazo yetu wenyewe na mipango yetu wenyewe. Mungu katika hali ya juu kabisa ana hekima kuliko sisi na kama tutaendelea kumwelekea kila mara kama chanzo chetu, tutakuwa wenye nguvu zaidi na kujiandaa yeye afanye mambo makubwa zaidi kwa njia yetu. 

Kujiruhusu kupruniwa kiroho maana yake ni kuachia yaondoke mapenzi yetu wenyewe na mawazo yetu. Maana yake tunaachia kujitawala wenyewe na kumwachia aliye mkuu wa kukuza akuze na kuchukua nafasi. Ina maana tuna mwamini yeye zaidi kuliko tunavyo jiamini sisi wenyewe. Hili linahitaji kufa kwa nafsi zetu wenyewe na unyenyekevu wa kweli na kukiri kabisa kwamba Mungu ndiye tegemeo letu kwa kila kitu, kama tawi linavyo tegemea mti. Bila mti, tutaseka na kufa. Mwamini yeye na mipango yake na tambua kuwa hii ndio njia pekee ya kuzaa matunda mema, ambayo Mungu anayataka kupitia wewe.

Kanisa leo lina adhimisha kumbukumbu ya Mt. Yosefu Mfanyakazi. Mungu alimwamini na kumpa jukumu la kumtunza Mama wa Mungu na Mwana wa Mungu, na kuwa mlinzi wa nyumba ya Mungu. Hakuna mtu mwingine yeyote aliyekuwa na nafasi hii pekee. Kupenda kwake kazi ilionesha unyenyekevu wake, aliishi kwa kadiri ya matakwa ya Mungu. Alikuwa mtu mwenye haki. Kilicho mfanya akubalike machoni pa Mungu ilikuwa kwasababu ya Imani yake na utii wake. Kujitoa kwake kulionesha unyenyekevu na kumtegemea Mungu. Na hata baada ya kupata upendeleo kutoka kwa Mungu, hakuacha kufanya kazi. 

Katika hali hii tunaweza kusema kwamba yeye ni somo wa wale wote wanaofanya kazi, kazi ambayo ni kuonesha unyenyekevu na tegemeo letu kwa Mungu. Leo tunawakumbuka watu wote duniani wanao fanya kazi kwa manufaa ya uzuri wa wanadamu wote. Tuwaombee kazi zao zisiharibu mpango wa Mungu kwa mwanadamu bali zilinde utu na uhai wa kila mwanadamu kama Mt. Yosefu alivyo linda uhai wa Yesu dhini ya Herode. 

Sala: Asante, Mt. Yosefu kwa kumfundisha Yesu kufanya kazi yako. Tunakushukuru kwa kuzipa kazi za mikono thamani na utakatifu. Tunaomba tuweze kuzipa heshima kazi na kuwa tayari kwa ajili ya wengine kama wewe. Mt. Yosefu, mlinzi wa nyumba ya Mungu. Utuombee. 

Copyright ©2013-2024 ©FurKat, Furaha ya Kikatoliki: see www.fur-kat.blogspot.com